奢侈品，我買

無錯，鐘迪文愛買奢侈品 !

平日我個人衣著隨便，上班穿平易近人既品牌

行蘋果風格，即不花巧，precise啲叫Minimalist，越簡潔越好

飲食更隨意，愛吃茶記，亦愛麥記

一直想試全港最正既Grand Hyatt海南雞飯，三百元左右

雖然股價上一格都唔止啦，但一個餐三百，兩個就六百，六百蚊埋單去吃海南雞飯，唔捨得就係唔捨得，所以至今仍未吃過。

慳是事實，但並非一毛不拔

奢侈品我“間中”會買，而且講究。

係筆，尤其鋼筆，非Mont Blanc不買。

中學年代，我已喜愛閱讀

閱讀離不開文字，久而久之，自然愛上寫字

愛上寫字的人，對筆很在乎；愛跑步的人，對跑鞋自然有要求
死慳死抵，數百元的Parker/Cross貨色尚能負擔，享受高級文具樂趣

但後來發現，Mont Blanc這星級品牌才心目中的Dream Pen。

作為學生，沒工作，份內事首要讀好書拿出成績
當年成績進步名列前茅，向家人相求很久
終於求仁得仁，得到一枝全新Mont Blanc原子筆。

那枝樹脂造成的黑色筆桿，配合筆蓋頂上非常奪目的白朗峰標誌
在萬寶龍插在胸前口袋上的一刻，那威風自毫的感覺我充份得到
自此，買名筆，非Mont Blanc的，不買也罷。

10年過去，這枝心愛Mont Blanc仍然新淨非常，亳無勞損
它擁有雙重價值，一是它的價格保值，二是它背後一段回憶
因此每次拿上手，它總能給我喚起會心微笑的片段。

今天，買入另一枝Mont Blanc，是第二枝
說白點，是剛收到聯想(992)和中石油(857)股息而拿部份去買(呵呵~）
始終買筆跟買衫不同，不能隨便買，每枝筆背後都應該收藏著一個故事
這枝更上一層樓，為Fountain Pen，是為慶祝自已總資產淨值首破7位數字(為港元單位)而買。

Fountain Pen絕對是另一個境界，書寫的流暢程度叫人驚訝
輕輕揮動，墨水便從筆尖裡頭“滑”出來，在紙張上形成軌跡
軌跡由watery漸乾成筆跡，細看之下，每字之中的墨水顏色再有由深至淺的過渡，非常漂亮。

鐘迪文愛書寫練字，尤其每晚睡前
簡單的10分鐘內，可培養靜心，品味，情操，修養。

如此奢侈品，“間中”買，又何妨？

永不停步

除七一假期，今個星期每天都是工作天

今日亦不例外，番屋企沖完涼打開電腦，已是星期一早上1:00

明天6點左右又起床番工。

的確，今個星期有點累。

沒錯，鐘迪文係一個不愛跟大隊的人，尤其愛跟同輩比較

同輩愛high tea講夠衣著我愛靜靜儲蓄投資，賺取回報再投資

同輩放假去睇車有時我身痕番工睇埋老闆手上既料，非常過癮

平日工作我愛喝紅茶或咖啡，週末呷著杯威士忌去工作是另一種享受。

作為典型香港仔，港大畢業

加上性格驕傲，話知同事你係IC定Harvard grad

金鐘係我主場，一至日隨時候命

本地薑就係有呢道優勢，肯捱

外國graduate係呢方面絕對較弱，至少大部份係。

係呢刻我諗起誠哥，我偶像

賺到盡係每個生意人本質，我不評論

但講到佢背後奮鬥創業史同人生態度，的確要大舉拇指

欣賞佢貴為首富，但跟城中奢侈富豪有別，生活依然簡樸，永不言休

每次給年輕人的金石良言，鐘迪文一一牢記

誠哥論現今年青人最需要加強競爭力，正正是我每天的原動力

金鐘中環臥虎藏龍，稍稍停步隨時被淘汱。

提起偶像誠哥，自然諗起佢啲上市公司，但長和系股票自已只買過一次

是電能實業6號仔，$55蚊買$70放了，仲食左兩次息。

誠哥係聰明生意人，而鐘迪文則是聰明投資者(早早讀了名書The Intelligent Investor，再番讀)

如此業務複雜，股權更複雜的長和系，小股東很難了解公司實際環境

如簡單憑集團盈利來評估公司整體狀況，大忌也

不過，大多小股東對誠哥都係講個“信”字，而去買長和系，對吧。

雖然誠哥係鐘迪文既人生偶像；但說到投資偶像，還是老巴

如要面對如此財技了得的集團舵手，鐘迪文還是敬而遠之，買過一次亦是最後一次。