噢，一個多月沒上載文章，太折騰了。
直屬上司放大假，這一個月來鐘迪文要做Acting，一兼兩職
有更多機會接觸大老闆，可以話又上咗位一小步 (偷笑)。
對住政府部門又係我，對住長和系子公司的Chief大粒佬又係我，上大陸visit又係我...
呢個月學到野，畢生受用，就係輸人唔輸陣
開會講野，最講求氣勢，扮唔緊要，千萬唔好細細聲兼食螺絲，尤其代表公司同人傾。
今年2014，可謂由頭忙到尾，無乜私人時間
投資方面，個人錢已埋哂位，Portfolio成型已無須理會，由它股價自由波動長此下去
跑輸大市係一定，因為重倉油氣板塊，尤其昆侖能源135股價年內居然高位無左一半
國際油價4個月內跌一半，正正天有不測之風雲
執筆之時，中石油857 H股跟A股居然由6%溢價變為32%折讓，可笑，真可笑
只要無關公司基本因素，持股是絕對安心
說實的正不斷重點低吸昆侖能源135，鐘迪文很看好中國天然氣發展，但以10年去計
“那裡有危機，那裡就有機遇”，投資界中的金科玉律當然要時刻牢記。
老巴的IBM, Exxon Mobil亦好失望，跟美股的牛市完全脫節
既然是長期投資者，不必大喜大悲，公司長期良好發展，股價自然見真章。
既然是長期投資者，不必大喜大悲，公司長期良好發展，股價自然見真章。
展望2015，目標必然是工作之上，身體健康亦要時刻兼顧
財務方面，車樓等等消費大項目離自已很遠，而一般生活花費吃喝玩樂亦花不了多少，固2015財務方面沒特別要求，奉行“應使則使，月月有餘”原則。
各位不坊趁著夜深人靜之際，細心回顧今年，再為明年訂下milestone，然後向著標杆直跑。
我為自已想好了，你呢？
