心中無股 平和生活

都好久沒update文章了

生活忙中充實，最近幾天才放年假。

2015，一早已預定為忙的一年

升唔升到職，都係睇今年，年尾會知

升到，人工多萬五左右（包二奶都卓卓有餘，講笑）

升唔到，下年可以再來過，機會常在

但可以的話，捱下早啲升都係好事，值得一博。

股市方面有留意，A股好巴閉，港股就睇板塊無謂睇指數

自已買賣已絕少，取用老巴懶人投資法，不變應萬變。

近百萬持倉已封頂，著手保留現金

最後一次大手增持是昆侖能源(135)

三大持倉為昆侖能源(135)，聯想集團(992)及旺旺(151)

煤氣(003)幾十年來悶股一只，偏偏為股皇之皇，全因深且闊護城河

簡單來說，鐘迪文看好中國天然氣，看好下一只三星的出現，看好內需消費品

就下一個5年再在這裡看看三大個股投資成績如何吧！

社會方面，學溫家寶話齋，深層次予盾

香港又要靠大陸，又唔鐘意大陸

如今傻佬仲特別多，有批年輕人不思進取，打著民主口號，終日搞事

在商場見大陸客就圍，然後對人發惡，大聲指罵，趕人走

呢班人傻傻地，太過份！

有自由行，撐起個旅遊業，香港經濟才增長2.x%

無大陸客，廣東道名店玩完，日用品都無人買，酒店更加...

你會話洗乜驚，仲有鬼佬客嗎

可惜，鬼佬既消費力，同大陸客比，哈！

而家經濟還可以，香港人咁樣對自由行

小則大鬧旅客，大則高呼獨立建國，痴痴地。

好，如果阿爺取消自由行，香港經濟會點？

無煙工業死咗大半，失業率升，民怨又升

到時死狗咁求阿爺重放自由行？阿爺理你班香港人？

鐘迪文唔係幫自由行，公道講句，凡事留一線，日後好相見

香港又要靠大陸，又唔鐘意大陸，深層次予盾既野，唔係話解決就解決到。

Anyways，社會大事理唔到咁多

我有我生活，努力向上流，繼續搵錢

香港玩地產，上一代人都老早知

大佬，香港地少人多，缺乏天然資源，Supply and Demand，中三Econ都有讀啦

呢個遊戲係玩得辛苦，你估上一代捱住麵飽買樓又會叫輕鬆？

中國人話齋，唔辛苦邊黎世間財？
財富，永遠聚係小部份人手中，係世界定律。

有後生唔肯玩地產遊戲，話有錢唔應該買樓
趁後生多去旅遊，擴闊眼界，嘆盡各國美食，才不枉人生
可惜魚與熊掌，豈能兩者兼得，番到黎咪又要準時交租
自已條路自已揀，講完。

如今高位買樓，中原指數135，鐘迪文祝君好運

相反股市已便宜了數年，未知又有幾多聰明錢入重貨呢？

他日股市大牛，必定又會有人後悔入貨太遲

這時候，我大部份資金押注股市，你呢？

(Picture borrowed from the Net)

羊年已到，祝大家身體健康
財源廣進，心想事成！