聯想，中國夢

唔明等埋發叔做乜

點都好，一地眼鏡碎

政治既野，唔好睇表面，背後深不可測，不要嘗試聯想。

唔係政圈局內人，睇過得啖笑算

最終都係無得選，阿爺屬大贏家，開香檳都黎唔切。

對於小市民，要番工既繼續番工，要交租既繼續交租

收息季節，要收息既當然繼續分紅。

Life goes on.

美國人喜歡放響口邊American Dream，知名企業IBM AAPL GOOG KO在世上舉足輕重
韓國仔代表三星，冒起迅速，近年威震全球，十年前還寂寂無名，LG前LG後...如今LG在那裡，Who cares
至於中國，總要有個中國夢 (由習近平提出，內容wiki詳盡解說)
如果聽起來你覺得好老土，大概崇洋心作怪，American Dream又唔見你話老土。

自已投資初期本少，看不到太遠，賺得兩三成沽貨已經算多
一步步，先後獲利
密密食，中銀2388, 電能6, 中行3988, 中移動941, 中海油883, 中石油857 (買過應該得咁多)
當年貪平買中煤1898係超錯決定，揸到今日為止，都仲係虧本。

日子有功，本金累積，進進出出會很累
於是決心開個長倉，那時約是2012年中
經過不斷研究，篩選換馬，定下倉中投資方向
老巴幾十年前已講集中投資美國，看好美國企業
時移世易，如今本倉大前提：集中投資，看好中國。

一於就幫自已個價值股票倉改名：中國夢
雖然只係個名，但都包含著一份對中國前景看好既長期信心
倉中只投資港股，佔比九成以上，兩只為中國企業，一只為台資但盈利重心始終來自中國。

這一季調整了組合比重，增持個股

截至2015第二季，“中國夢”資金投入個股比重（非目前市值比重）：

昆侖能源 (135)   : 35.9%

中國旺旺 (151)   : 35.7%

聯想集團 (992)   : 21%

中煤能源 (1898) : 6%

數碼通 (315)       : 1.4﹪
總投入約$1,020,000

以前揸過H股同941，無啦啦扣左我10%覺得好搵笨

如今選股投資方面，增長型前景排第一，股息率排第二

因此組合內三大投資旗艦，息率不高，約2-3%左右，幸好派息不用抽股息稅

如果再扣埋股息稅，真的哭出來。

鐘迪文從未抽過IPO，算走寶一次，是沒抽1299友邦

不過都好可能是後知後覺的事，近年見了它股價表現才感後悔

回想當年AIG將佢拆出黎，不過是為償還債務俾美國政府

加上IPO估值不平，保險股一向派息率亦甚低

就算時光倒流，俾我考慮多次，都一樣唔會入飛

過左去既就過去啦。

但今日我抽左佢，聯想控股(3396)，小試牛刀抽1000股，掂既日後再增持

2012年買進聯想集團(992)，到2013年先後多翻增持

都已經將呢間公司背景，發展歷史同管理人物刨到熟一熟

聯想系出黎既人好勁，全因一個人，教父級創辦人柳傳志，楊元慶同郭為都係佢大第子

基於聯想集團做電腦以及公司國際化，楊元慶呢個CEO大家較聽得多

聯想的確係柳傳志捱出黎，在楊元慶堅持冒險收購IBM PC後，間公司俾老外CEO搞到五勞七傷

最後教父要重出江湖，仲推埋楊元慶出黎上位，數一數已經係6年前既事

6年以來楊元慶將聯想搞得好出色，聯想係中國企業中業務同管理層最國際化既公司

管理層既執行力同目光係一間公司既靈魂，聯想就是強在這一項。

如果你問基金經理聯控亮點係乜？佢會答一大堆財務分析，盈利能力，回報率等等。

你問我買聯控為乜？一個理由就夠，Buy 柳傳志，佢堅係個做野既人，抱有中國夢既人!

買巴郡你信巴菲特，買長實(改唔到口)你信超人，買聯控你信柳傳志，買聯想你信楊元慶，買旺旺你信蔡衍明， 就是這道理。

掉翻轉問你，巴巴雲，小小超，彤叔，大劉等等富豪都掌管知名大企
鐘迪文則敬而遠之

你，又敢買嗎？

現在你要做的事：捂著耳朵

最近真係好煩！
電視劇播，Office同事講，去大快活食下午茶都聽到人談論股票。

鐘迪文心諗，日望夜望個股價，即使短期升兩千點，你隻股升一倍
又會發達咩？

所謂easy money, easy come, easy go
對散戶而言，只係執到快錢，執得輕鬆洗得自然鬆手
賺少少，豪食一餐海鮮，東南亞短trip無咗
賺多少少，對自已好啲，買番隻Rolex Daytona又無咗
開心後一次性消費...

然後？當然食過翻尋味吧！

既然搵得咁輕鬆，再入市執多次easy money又何坊
可惜每次入市都要take risk，絕無必勝
長賭機率永遠只有一半，其實是少過一半
因為大勝過後你會再次入場，但失手一次，隨時沒頂，翻身不得。

所以easy money既野，鐘迪文一點興趣也沒有
拿一點錢去短炒，賺雞水咁少，我不屑去執
拿一大舊錢短炒，出出入入，止賺止蝕，精神虛耗，天天如是
那麼上班時還能發揮專業判斷麼？

倒不如建立一個優質股票持倉，長期定時跟公司分紅，同時享受升值樂趣
那時候，就能培養忠於企業價值，多於重視短期股價升跌的EQ。

其實投資股票很吸引，選股自已定，買賣時間自已定，買賣數量自已定
你用這價格買下這支股票，持有20年，就收20年股息，同時享有這20年來企業的升值
變相是今天這企業的價值，你20年前就以當年價格買下，多麼吸引呢！
20年雖長，但時間還是要過，滾雪球，始終越早越好
20年前我喝可樂，用燃氣，20年後我就不喝可樂，不用燃氣嗎？
當然，你要是持有垃圾企業股票，20年後這企業可能已經化灰。

貧者越貧，富者越富，是必然的，因為錢能生錢就無敵
投資首要穩，不是為一時快錢，而是長期穩賺
別人暴富，不用羨慕，風來時豬也會飛
神童輝當年幾風光，現在回頭看則令人傷感。

說到底，在人人談論市況心得時
你現在要做的事：捂著耳朵 ！

下班後，不要對著那些費神無益的數字漲跌，部署明天的買賣

去跟家人情人吃家常便飯吧，溫馨平實的；
去嘆紅酒，喝威士忌，嚐濃縮咖啡吧，優雅享受的；
去聽張國榮舊歌吧，放鬆回味的；
去閱讀雜誌，細嚼散文小品吧，豐富心靈的；
去拿起墨水筆，寫出心中所想吧，隨心快意的；
去慢跑深呼吸吧，天然安多酚，排煩減壓的；
去性愛吧，溫柔滿足的；
去早睡休息吧，補身養神的。

致富要一步步來，有些錢可以不賺，但有些錢不可以賠
師奶買菜精打細算，一兩元也算盡，但聽消息而大手買入垃圾股就面不改容
鐘迪文對此百思不得其解，貪勝不知輸，大忌也。

想致富，先謹記老巴心法，保持獨立思考，抱有長線目光
專注生活，專注本業，不是賺錢速度。

你開始心動，手忙腳亂了，然後被震走

呢次牛市剛剛開始，鐘迪文知道！

我沒詳看個股，我沒詳看指數，我沒詳看成交

我只詳看新聞，看著你們心緒不寧，手忙腳亂，急急出貨的樣子

有蟹貨的沽！有優質股的沽！有垃圾股的沽！

你們心急，懷疑升勢可否持續，只覺這一刻錢入袋才是賺。

你們現在還有甚麼？沒錯，是很高的現金比例和貪婪。

(picture from apple daily)

股市剛剛突破，大成交一下子就掃清散戶持貨

再升，再升，然後再升

你們猶豫，幹麼沒預測中的回調，沒入市拾平貨的良機

你們失望，升勢像樓市一樣，一去再去

你們後悔，升勢不等人，心思思且不耐煩。

沒股在手，像沒樓在手

報紙上見到中原指數再創歴史新高之際，市民搶樓不斷

年青人個個要動用父母積蓄，亦要勉強上車

終有一天，股市在牛市頂點時，你們會把早前所穫和本金瘋狂入市

然後...？History repeats.

那年記得港交所(388)PE有100，如今才56倍

那年恆指PE過20，如今PE才11有多。

呢次牛市剛剛開始，鐘迪文知道！

牛市總在悲觀中誕生，懷疑中成長，樂觀中成熟，亢奮中死亡。

"Bull-markets are born on pessimism, grow on skepticism, mature on optimism and 

die on euphoria." - Sir John Templeton

鐘迪文覺得如今只是懷疑中成長的階段，大市才有11餘倍的低市盈率
散戶亦在半信半疑中沽貨離場，等待回調。

鐘迪文持股為中國夢，一定要長期持有

中國有城鎮化，內需肯定加強

需求一強起來，13億人是不得了的。

信念，同樣要長期擁有。

升那二千點算是甚麼！

時機來就要買，魔鬼細節，沒法子不買

鐘迪文買股行逆思維，永不高追，專買被市場忽略之優質股

雖然早早說好了股票倉已封頂，誰不知留意到最近管理層一連串小動作
鐘迪文二話不說，早幾天一下子就增持多十萬元持股。

可能你會問，指數高漲了才買股？還說價值投資？呸，不是吧！？
今次買股不是因近來股市氣氛高漲，而是在披露易看到了魔鬼細節才有所行動。

鐘迪文少留意股價變動，但幾乎每天會上披露易看公司機密
（雖然機密是公開的，但懂看的人確實不多，也很少聽見散戶平日上披露易看資料）。

再說，經驗會告訴：大市指數是一藍子股票反映出來，但買個股是可以的
大多例子告訴我們，買個股不要過於留意指數
早前恆指23000，匯豐是$88
如今恆指25000，股價是$67

早前恆指23000，昆侖能源是$14
如今恆指25000，股價是$7.67

早前恆指23000，聯想是$4.5
如今恆指25000，股價是$11.2

公司經營有週期，受大環境影響，因此個股會某段時間跑出，某段時間跑輸大市
但不重要的，價值投資看長遠回報，而不是大市目前那幾千點升幅
老實說，恆指大不了可升多5000點吧，10000點？也不過是20%，40﹪
買對了個股，升100﹪或更多也不難！

鐘迪文也低吸了不少價值股持股，可安心持有十年八載以上
要吃飽魚？要旅行？要買勞力士？
人工也能應付有餘呢，幹嗎要賣股？
幹嗎要賭博短期升跌來賺取幾個巴仙又或是一萬幾千？
用10萬去短炒，舔5巴仙也不過5千，舔到是好，如遇上跌市，一下子就套牢10萬本金。

所以，你呢，還要跟散戶一樣，每天費神盯著股市，為指數那20%, 40% 上落而大喜大悲嗎？

倒不如選對了股，長期持有吧！

截至2015首季末，鐘迪文資金投入個股比重（非目前市值比重）：
昆侖能源 （135）   : 42%
中國旺旺 （151） ：25﹪
聯想（992）          ：25﹪
中煤能源（1898）：6﹪
數碼通（315）       ：2﹪
於可見的將來，組合應不會有大變動。

晚上睡得好覺，不用為那邊美國股市而興奮或失眠，而聯想明天的香港股市呢！

By the way, 明天起假期了，沒有股市的日子，身心是否特別放鬆呢？
這，才是正常生活。