淪陷

本來一向好少理政治既鐘迪文，今日好心痛

聽到佔中三子騎劫學聯集會，啟動佔中
全部學生即時被擺上枱，由合法集會變成參與非法佔中
佔中三子不費吹灰之力，就召集齊人馬。

七一遊行為合法，鐘迪文絕對支持
但非法佔中，我最不希望發生。

新聞中見到大班市民(絕大部份係年輕人)佔領干諾道中一帶
人數眾多，警察要用催激彈軀散人群，場面混亂，破壞交通
香港竟然變成咁！

只見到，今次係香港人搞亂香港，唔係蝗蟲
佔中人仕要特首下台，警方道歉，人大徹回普選方案
否則堅拒徹退，參與學生隨時成炮灰。

作為理智既香港人，佔中人仕玩到咁大
你叫政府仲點傾，點下台，仲邊有彎轉
結果？

硬碰硬。

當初大大聲和平集會，和平佔中
集完會佔完中又唔肯和平散會
唔好話警方無俾時間，但你唔肯走真係無辦法
唔肯自願走，要警方清場
講係清場，你唔肯走就用武力拉你走，難道要鍚住你抱你走？
還要一提，清場受傷當然不希望發生
但一旦發生，保險公司不會受埋
你可能好奇怪，但要話你知，做犯法事而受傷，難道保險公司會賠你？

只係想提一提學生，集會要和平，沒問題
一旦犯法，隨時自毀前程，無人會保你。

有學生好天真咁舉起雙手問"我手無寸鐵，仲乜用噴霧同催淚彈對我？”
無知，真係無知!  佢可能連自已犯咗法都慒然不知
而家係趕你走，唔俾你非法集會同佔據馬路
即使你乜都唔做，靜靜坐係馬路都係犯法
舉起雙手代表你無犯法咩？你唔肯走，警察就要迫你走
人咁多，點迫你走，難道跟你人推人，推你走？仲洗問
難道警察坐視不理，由得你班人無限期佔領干諾道中，癱瘓中環金鐘灣仔？

經過今日一役，香港係中央心目中會變成點？

一句到尾：佔領中環，內耗自殘，香港內傷，全城埋單。

一年

隨心所欲，想寫就寫

呢個Blog轉眼已開一年，光陰似箭永遠係無錯。

雖然鐘迪文不是經常出文的博客，但會keep住追踨其他博客的Blog

講生活，投資，時事，家庭... 你們很多文章讀起來都非常有趣。

即使跟其他博客素未謀面，不要緊

各位都有共同目標為求“財務自由”，我知，目標很清晰。

今年港股樓市皆不錯，家身水漲船高，相信大家向財務自由又近一步

當然某些博客已達財務自由，生活無憂，可喜可賀。

這年來，幾經辛苦都是甜的

鐘迪文Achieve了好兩個Milestone

一：幾乎成立了個人百萬股票持倉，堅守價值投資

二：工作上完成單大Deal（我覺得算），跟老闆合作亦算不錯

至於未來，預測股市是無謂

鐘迪文勝在年輕，想深一層，現在來一個熊市其實會比牛市好

因為價值投資，時間是最好朋友，越早收集，長線複利越顯著

Anyways, 有實力的投資者面對順逆景都係一個機會，誠哥係好好例子。

工作方面，自覺有心有力做更多

如果肯捱下去，身體又許可，升到職三年後人工再升一倍都有可能

畢竟美式管理文化是絕對現實，績效評估，不講感情

誰對公司好，公司對誰好

但人係有家人，長期番屋企訓覺然後起身番工，這種生活唔係個個頂得順

所以就算賺到錢，都係辛苦錢，而且呢行無得安於現狀

一向前行二走人，你停一停後面一大班人踩著你上。

另外，這兩三年來，興趣已通通放下

抽時間逛逛離島，行山攝影，再吃海鮮，很久很久沒做過

但最方便的興趣每星期一定去做。

鐘迪文很愛咖啡，一年四季都只喝熱的。

放假，喝咖啡是最正經事。

君子愛息；愛色

中秋節正日，特意年假鬆一鬆，連休4天

踏入9月，工作量似過高峰，腳步稍稍放慢，讓身心回氣。

難得睡到自然醒，起床已10am

開電視係“創富坊”，好久不見
啊，聯想992股價再創14年新高

呢一刻，楊元慶柳傳志心情係同鐘迪文一樣，光榮。

美國蘋果，韓國三星
中國，你不看好聯想，Sorry，真的沒其他希望了
說小米的那個，鐘迪文會話佢係白痴。

不要為聯想定目標價，對價值投資者來說，係定唔到
目前要Re-rate 992係很難，言之尚早
唔係好似行家分析，升目標價一兩蚊就叫Re-rate間公司估值，膚淺。

一個PC業務收購，做到今日規模
加多樣Server，再加多樣Moto
產品行銷全球，毛利率更勝PC
他日公司規模多如今兩倍，唔係夢話
必然發生的事，是“價值”
長遠價值不會一夜反映，但肯定陸續浮現。

節日氣氛好，心情自然好，女人個妝都發覺特別美
鐘迪文係一個好好“息”之人，堅持長期持股
但今日發覺原來自已亦好好色，美色
一個女人皮膚白晳，短髮淡妝配紫暗花裙，係好美，氣質美
有海有咖啡，這樣的談心鐘迪文最愛。

收市前，發覺零食龍頭旺旺151又減價，兩天後更除息
沒猶疑，時機到就要執行，馬上加碼了一倍持股
超越昆侖能源135和中石油857，升為倉中第二比重。

集中投資最優秀企業，鬥EQ，非IQ
遊戲始終是這樣玩，下跌時總出現很多利淡消息
但鐘迪文確信，優質股，跌唔掃貨，難道回升跟你去搶？

你想沽，我知

直通車臨近，港股一片牛氣沖天，散戶精神日漸緊張

鐘迪文升市跌市都盡量心如止水
但見到散戶都有共同特徵，有點可笑。

就係一個正常人為求賺點閒錢，像上癮一樣每天盯著一個人為指數
其實是慢性中毒，身不由己連自身情緒也被股價操控
每分鐘的升跌令情緒高低起伏，時喜時悲，心緒不寧
對交易員來說這些散戶跟傻仔無異，每分鐘都被玩弄。

(圖片來源:晴報)

過千億成交升穿兩萬五，有幾多散戶估得到
鐘迪文都估唔到，不過買股從來唔係靠估，指數我唔care，只在乎公司表現
十居其九散戶肯定沽左貨，take profit 袋袋平安，滿街股神
你想沽，我知，你覺得兩萬五已多年不見，應離頂不遠
我亦知你雖然賺得少少錢，但心魔覺得有食唔食罪大惡極，所以你最後忍唔住沽貨
無錯你的確賺左少少，但我知，you will be back。

好多散戶沽左貨又開始埋怨，而家升市只升大戶股，推指數
升941，388，857，386，700，1299 等等
點解叫大戶股，就係升唔停散戶要走都走哂貨既股
連中移動都重回紅底，有幾多散戶未沽？賺到錢既都已沽，早年買落蟹既繼續蟹
700 升到咁，仲有幾多散戶有貨？
1299，386，857一樣，係咁升，大漲少少回，散戶跟本唔敢買
Fine，你唔買佢就係咁升，History repeats，牛市總是這樣升。

熊市最怕唔入市；牛市最忌沽得早
如果頂係三萬點，仲有5000點升，散戶會點
因為早早Take profit，周身cash，好不自在
早沽貨的確少賺，但我知，you will be back
結果07年$150先去買941，鐘迪文身邊大有人在；時至今天，沽已不捨等亦難。

低位買貨係高手；高位沽貨是藝術
老巴中石油一役，完美展示低買高沽，叫中港股民驚嘆。

至於幾時沽貨，鐘迪文在任何時候謹守價值投資法則
一，除非股價炒上天，估值完全唔合理，大賺一筆，沽
二，公司變質，每況愈下，沽
否則一直持有，長期收息。

回顧Portfolio內4大價值股
聯想 992，昆能 135，中石油 857，旺旺 151
正打算逐步增持千億市值零食龍頭 - 旺旺151
如今中國城鎮化僅50%左右，過去十年比率上升不足10%
估計至2030年，中國城鎮化才達70%
祖國超市不是香港，卡樂B零食不是隨處可買
食品股長期看好。

另外，賭股前景已變，金沙1928/ 銀娛27 在watch-list上剔走
瘦田無人耕，耕開有人爭
成本上升本土競爭白熱化，加上周邊國家如日本再加入戰團分杯羹
護城河會慢慢消失，賭股不買也罷。

最後，祝各位中秋節快樂，人月兩團圓。