2015年4月26日 星期日

現在你要做的事:捂著耳朵

最近真係好煩!
電視劇播,Office同事講,去大快活食下午茶都聽到人談論股票。

鐘迪文心諗,日望夜望個股價,即使短期升兩千點,你隻股升一倍
又會發達咩?

所謂easy money, easy come, easy go
對散戶而言,只係執到快錢,執得輕鬆洗得自然鬆手
賺少少,豪食一餐海鮮,東南亞短trip無咗
賺多少少,對自已好啲,買番隻Rolex Daytona又無咗
開心後一次性消費...

然後?當然食過翻尋味吧!

既然搵得咁輕鬆,再入市執多次easy money又何坊
可惜每次入市都要take risk,絕無必勝
長賭機率永遠只有一半,其實是少過一半
因為大勝過後你會再次入場,但失手一次,隨時沒頂,翻身不得。

所以easy money既野,鐘迪文一點興趣也沒有
拿一點錢去短炒,賺雞水咁少,我不屑去執
拿一大舊錢短炒,出出入入,止賺止蝕,精神虛耗,天天如是
那麼上班時還能發揮專業判斷麼?

倒不如建立一個優質股票持倉,長期定時跟公司分紅,同時享受升值樂趣
那時候,就能培養忠於企業價值,多於重視短期股價升跌的EQ。

其實投資股票很吸引,選股自已定,買賣時間自已定,買賣數量自已定
你用這價格買下這支股票,持有20年,就收20年股息,同時享有這20年來企業的升值
變相是今天這企業的價值,你20年前就以當年價格買下,多麼吸引呢!
20年雖長,但時間還是要過,滾雪球,始終越早越好
20年前我喝可樂,用燃氣,20年後我就不喝可樂,不用燃氣嗎?
當然,你要是持有垃圾企業股票,20年後這企業可能已經化灰。

貧者越貧,富者越富,是必然的,因為錢能生錢就無敵
投資首要穩,不是為一時快錢,而是長期穩賺
別人暴富,不用羨慕,風來時豬也會飛
神童輝當年幾風光,現在回頭看則令人傷感。

說到底,在人人談論市況心得時
你現在要做的事:捂著耳朵 !

下班後,不要對著那些費神無益的數字漲跌,部署明天的買賣

去跟家人情人吃家常便飯吧,溫馨平實的;
去嘆紅酒,喝威士忌,嚐濃縮咖啡吧,優雅享受的;
去聽張國榮舊歌吧,放鬆回味的;
去閱讀雜誌,細嚼散文小品吧,豐富心靈的;
去拿起墨水筆,寫出心中所想吧,隨心快意的;
去慢跑深呼吸吧,天然安多酚,排煩減壓的;
去性愛吧,溫柔滿足的;
去早睡休息吧,補身養神的。

致富要一步步來,有些錢可以不賺,但有些錢不可以賠
師奶買菜精打細算,一兩元也算盡,但聽消息而大手買入垃圾股就面不改容
鐘迪文對此百思不得其解,貪勝不知輸,大忌也。


想致富,先謹記老巴心法,保持獨立思考,抱有長線目光
專注生活,專注本業,不是賺錢速度。

18 則留言:

  1. 迪文兄的的心理質素及EQ,要好好的向你學習!

    金公子

    回覆刪除
    回覆
    1. 見過跌市的人,才明白股市起伏無常,才是正常
      不需大喜大悲,牛熊市皆有時機

      刪除
  2. 如果班人好似鍾兄般咁有心理質素個市就唔會升到咁痴線了。

    回覆刪除
    回覆
    1. 錢總有分聰明與否,聰明錢早早進場
      笨人最後入場,笨到唔知何為危險

      刪除
  3. 做既已經做左,依家係坐定定係到等

    回覆刪除
    回覆
    1. W兄也是做富人的材料
      祝大家早日做到財務自由

      刪除
  4. I like 去性愛吧,天然安多酚。
    最開心係性愛的時候依然有消費者付錢給你持有的公司,咦~突然好想買安全套公司的股票。

    回覆刪除
    回覆
    1. 其實投資離不開生活,房地產,科技,食品,能源
      合理價錢買入就可以 ;)

      刪除
  5. 拿一點錢去短炒....賺唔到尤自可,賺到一定會再食過返尋味炒,遲早一舖清袋......

    回覆刪除
  6. 我都在學習:致富要一步步來,要打好根基,有些事真系急不來

    回覆刪除
  7. 第一次留言。我在股市只有少數股票,見近日大市狂升好難唔心動。但係我心深處又覺得唔係時機入市。謝謝你的分享,你的說話肯定左我心裡面的想法,也令我安心定下來。

    回覆刪除
    回覆
    1. 謝謝瀏覽及留言
      只要靜心思考,不受市場情緒影響
      就能做出正確判斷

      刪除
  8. 迪文兄,近日857, 135回落10-15%
    請問師兄見到多少機會或隱憂?
    謝謝!

    KB

    回覆刪除
    回覆
    1. 你好KB兄
      最近市況跟跌不跟升,都無咩好睇
      恆數小幅調整,但成份股好多都走哂樣
      由佢啦,我啲旗艦都縮水不少,但呢兩個月收到唔少股息
      呢樣好重要,錢真係入袋

      857,我都沽哂,收息係唔買,大而穩
      但而家我重點買增長型股份,135吧
      135 52低位6個幾,叫做差既都見過啦,現價無咩問題啊
      我對佢前途係好有信心,只係時機未到未能bottom out
      但一個政策足以翻生,而最近大陸都開始有天然氣/大氣環保/管道分折等風向吹起,下半年會有料到
      其實資產型既股份唔貴可以買,PB低,有實在資產如管道日日收錢
      我最怕買科網泡沬,never buy, 輕資產重幻想概念,買呢啲跌市會好擔心

      目前又收到股息,準備入市增持,不過唔係呢隻
      係另一隻,我眼中只有機會
      我買左唔會放,有錢就不停買
      因為股票買未來,今日個殘價買,你渣10年,就賺10年升值
      我唔信10年後135賺錢少過而家,唔信10年後唔用天然氣
      睇著大勢行事就唔會輸

      刪除
    2. 857,我都沽哂,收息係唔錯,大而穩 (但畢竟太大增長困難緩慢)

      刪除
    3. 感謝師兄指教同快速回覆!我都睇好天然氣在中國的發展
      小弟股齡尚淺,唔好稱KB兄啦haha

      KB

      刪除

Related Posts Plugin for WordPress, Blogger...